மானுடவியலின் அணுகுமுறைகள்

பரிணாமப் பார்வை

மானுடவியல் வெளிப்படையான பரிணாமப் பார்வையை மனித நடத்தையை ஆய்வதற்குப் பயன் படுத்துகிறது. மனிதன் பெரும் நீண்ட பரிணாமப் பாதையில் வந்துகொண்டிருக்கிறான் என்ற வரலாற்றுப் பார்வையை ஒப்புக்கொண்டு, அதை ஆய்வதன் மூலமே மனிதனாக இருப்பது என்றால் என்ன என்று புரிந்து கொள்ள இயலும் என்றும் கூறுகின்றது.

ஒப்பிடும் முறை:(Comparative Method):

நமது ஒரு தனி குணமும் நடத்தையும், நமது அனைத்துக் குணங்களின், நடத்தைகளின் பின்னணியில் பார்த்தால் எளிதாக புரிந்து கொள்ள முடியும் . ஒப்பிடும் முறை என்னும் இந்த முறை பலதரப்பட்ட மக்களை அவர்களது குணங்களின் ஒற்றுமை வேற்றுமைகளை ஒப்பிட்டு, அதன் பின்னர், மனிதக்குலம் அனைத்துக்குமான ஒரு பின்னணியில் முடிவுகளைத் தர முயற்சிக்கிறது.
மானுடவியல் என்பது மனித சமூகங்களின் நடத்தைகளுக்குக் காரணமான அடிப்படை கொள்கைகளை வெளிக்கொணர முயற்சிக்கிறது. மனித குலங்களுக்கிடையே உள்ள வேற்றுமைகள், உடல் பருமம், அளவு, பழக்க வழக்கங்கள், உடை, பேச்சு, மொழி, மதம், உலகப்பார்வை போன்ற அனைத்து விசயங்கள் குறித்தும், ஒரு சமூகத்தின் ஒவ்வொரு சிறிய விஷயத்தையும் அறிந்து கொள்ள உதவுகிறது.