பல மானுடவியலாளர்களுக்கு மனித குலத்தின் மொழி மீதான ஆர்வம் அற்புதமானது.
ஒலிகளை ஒழுங்கு படுத்தி ஒரு அமைப்பை ஏற்படுத்தி, அந்த ஒலிக்கூட்டுகளுக்குப் பொதுவாக பொருள்கொடுத்து, உருவாக்கிய அமைப்பு, மனித குலத்தை, ஒரு தனி மனிதனின் ஞாபக சக்தி என்ற எல்லையைத் தாண்ட உதவியிருக்கிறது. பேச்சு மொழி என்பது, (DNA) டி என் ஏவுக்கு அடுத்த படி, ஒரு தலைமுறை தாண்டி அடுத்த தலைமுறைக்குச் செய்தியைக் கொண்டுசெல்ல உருவான மிகச்சிறந்த சாதனம். மொழியின் மீதே கலாச்சாரம் தங்கியிருக்கிறது. அந்த மொழிக்குள்தான் ஒரு மனிதக் குடும்பத்தின் அறிவு தங்கியிருக்கிறது.
மானுடவியலின் பாரம்பரிய உபதுறைகளில் முக்கியமானதான மொழியியல் மானுடவியலாளர்கள், வரலாற்றையும், பரிணாமத்தையும், மனித மொழியின் உள்கட்டுமானத்தையும் ஆராய்கிறார்கள். பலதரப்பட்ட பழங்காலத்திய சமூகங்களுக்கு இடையே இருந்த தொடர்புகள், வினைச்சொற்கள் எப்படி எந்தப் பொருளில் உபயோகப்படுத்தப்படுகின்றன, எந்தக் காரணம் கொண்டு இந்தச் செய்தித் தொடர்பு நடக்கிறது போன்றவற்றை ஆராய்கிறார்கள். மொழியியல் மானுடவியலாளர்கள் மொழியின் அடிப்படை குணத்தையே ஆராய்கிறார்கள். அதன் உள்ளுரை சொற்கள் ஒன்றுடன் ஒன்று தொடர்பு கொள்வதும், அந்தச் சொற்கள் எவ்வாறு மனிதர்களால் தொடர்பு கொள்ளப்படுவதும், மனிதமூளைக்கும் சொற்களுக்கும் உள்ள தொடர்பையும், நடத்தைக்கும் இவைகளுக்கும் உள்ள தொடர்பையும் ஆராய்கிறார்கள்.
கருத்துகள் இல்லை:
கருத்துரையிடுக